नेपालमा आज ९३ निकाे, ८५ संक्रमित
१४ चैत्र २०७७, काठमाडौँ – पछिल्लो २४ घण्टामा नेपालमा ९३ जना कोरोनाबाट मुक्त भएका छन् । हालसम्म २ लाख ७२ हजार ४ सय ३५ जना संक्रमणमुक्त भएको मन्त्रालयको तथ्यांक छ । यस्तै पछिल्लाे २४ घण्टामा ८५ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयको नियमित मिडिया ब्रिफिङमा शनिबार थपिएका नयाँ संक्रमितसँगै नेपालमा संक्रमितको संख्या २ लाख ७६ हजार ७ सय ५० पुगेको हो । यस्तै, कोरोनाबाट शनिबार थप ३ जनाको ज्यान गएको मन्त्रालयले जनाएको छ । योसँगै नेपालमा कोरोनाबाट मृत्यु हुनेको संख्या ३ हजार २७ पुगेको छ ।
पछिल्लाे समय १ हजार २ सय ८८ जना आइसोलेसनमा र ५९ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २२ लाख ५९ हजार ४५ पीसीआर परीक्षण भएका छन् ।
