दमकमा हात्तीले पछारेर एक जनाकाे मृत्यु

२ मंसिर २०८१/झापा
गाउँ पसेको जंगली हात्तीले झापामा गए राती एक जनाको ज्यान लिएको छ । दमक वडा नं. ३ दिपज्योती चौकका मिनबहादुर भण्डारीको ज्यान लिएको हो । विहानको राती २ बजे तिर जंगली हात्ती बस्ती पसेर अन्नबाली र घरमा क्षति गर्न थाले पछि साईरन बजाउँदै हात्ती धपाउन निस्किएका भण्डारीलाई हात्तीले लखेटी लखेटी पछारेर मारेको जिल्ला प्रहरी कार्यालय झापाले जानकारी दिएको छ ।
हात्तीले लखेटी लखेटी पछारेर मारेको घटना स्थल नजिकै रहनु भएका अम्बिका पौडेलले बताउनु भयो ।

मृतक परिवारलाई नगरको तर्फबाट समेत केही राहत उपलव्ध गराउने दमक नगरपालिकाका प्रमुख रामकुमार थापाले बताउनु भयो । थापका अनुसार हात्तीबाट बच्नका लागि सतर्क रहनुकाे अन्य विकल्प नभएकाे र मानवले हात्ती हिड्ने बाटाे अतिक्रमण गरे पछि याे समस्या अाएकाे बताउनु भयाे ।
मृतक भण्डारीको लाश पोष्मार्टमको लागि दमक अस्पताल पठाइएको छ ।