नेपालमा आज ५०५५ निकाे, ८९६० संक्रमित
३० वैशाख २०७८, काठमाडौं– नेपालमा गत २४ घण्टामा ५ हजार ५५ जना निकाे भएका छन् । याे संख्या दाेस्राे काेराेना लहर पछिकाे सवैभन्दा धेरै हाे । यस्तै गत २४ घण्टामा ८ हजार ९ सय ६० जना कोरोना भाइरस संक्रमित थपिएका छन् ।
२० हजार २ सय ४५ जनाको पीसीआर र एन्टीजेन परीक्षणमा ८ हजार ९ सय ६० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार गत २४ घण्टामा २ सय १४ जनाको मृत्यु हुनेकाे संख्या थपिएकाे छ । पछिल्ला केही यता नेपाली सेनाले गरेकाे शव व्यवस्थापन सहितकाे संख्या जाेड्दा २ सय १४ जना आज थपिएकाे स्वास्थ्य तथा जनसंख्या मन्त्रालयले जनाएको छ ।
नेपालमा कोरोना संक्रमितको संख्या ४ लाख ३१ हजार १९१ पुगेको छ । नेपालमा सक्रिय संक्रमितको संख्या १ लाख ५ हजार २ सय ७ पुगेको छ । क्वारेन्टाइनमा ४ सय ९७ जना छन् । हालसम्म २७ लाख १२ हजार ५ सय ६२ पीसीआर परीक्षण भएको मन्त्रालयले तथ्यांकमा उल्लेख गरेको छ ।
