खुशीकाे खबर नेपालमा निकाे हुने संख्या बढ्दै

२१ जेष्ठ २०७८, काठमाडौँ – नेपालमा आज संक्रमित भन्दा निकाे हुनेकाे संख्या बढेकाे छ ।  पछिल्लाे २४ घण्टामा ८ हजार ६ सय ६३ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ४ लाख ७६ हजार १३० पुगेको छ । यस्तै गत २४ घण्टामा २० हजार ८ सय १३ जनाको पीसीआर र एन्टीजेन परीक्षणमा ६ हजार ६ सय ५३ जना संक्रमित भएका छन् । योसँगै नेपालमा कोरोना संक्रमितको संख्या ५ लाख ८३ हजार ५ सय ८९ पुगेको छ ।

नेपालमा सक्रिय संक्रमितको संख्या ९७ हजार ६ सय ९९ पुगेको छ । क्वारेन्टाइनमा ७ सय ५५ जना छन् । स्वास्थ्य तथा जनसंख्या मन्त्रालयले दिएको जानकारी अनुसार देशभर गरी थप १ सय १ जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ७ हजार ७ सय ३१ पुगेको छ ।