पछिल्लाे २४ घण्टामा ३५१७ संक्रमित ४०९६ जना निकाे
कोरोनाबाट थप १६ जनाको मृत्यु
१४ कातिर्क २०७७ , काठमाडौं– नेपालमा गत २४ घण्टामा ३ हजार ५ सय १७ जना संक्रमित भएका छन् भने ४ हजार ९६ जना निकाे भएर घर फर्किएका छन् ।
स्वास्थ्य तथा जनसंख्या मन्त्रालयका अनुसार बितेको २४ घण्टामा देशभरका प्रयोगशालामा १४ हजार ९ सय ८९ जनाको पीसीआर परीक्षण गर्दा ३ हजार ५ सय १७ जनामा कोरोना भाइरस संक्रमण पुष्टि भएको हो । उपत्यकामा मात्रै १ हजार ६ सय १५ जना संक्रमित भएका छन् ।
हालसम्म डिस्चार्ज हुनेको संख्या १ लाख २८ हना। ९ सय ५८ रहेको छ । नेपालमा निको हुनेको दर ७६.७ प्रतिशत रहेको छ ।
यसैगरी देशभर पछिल्लो २४ घण्टामा १६ जनाको कोरोना संक्रमणबाट मृत्यु भएको छ । स्वास्थ्य तथा जनसंख्या मन्त्रालयका अनुसार नेपालमा कोरोना भाइरसबाट मृत्यु हुनेको संख्या ९२० पुगेको छ । नेपालमा संक्रमित हुनेहरुमध्ये ०.६ प्रतिशतको ज्यान गएको छ ।
