नेपालमा आज १३१६ जना निकाे हुँदा २२३९ संक्रमित
२५ असार २०७८, काठमाडौँ – नेपालमा पछिल्लाे २४ घण्टामा १ हजार ३ सय १६ जना कोरोना संक्रमणमुक्त भएका छन् । योसँगै कोरोना संक्रमण भइ निको हुनेको संख्या ६ लाख १६ हजार ९२९ पुगेको छ । यस्तै स्वास्थ्य तथा जनसंख्या मन्त्रालयका अनुसार शुक्रबार विभिन्न जिल्लामा गरिएको ६ हजार ६५७ पीसीआर परीक्षणमा १ हजार ४ सय ७९ जनामा कोरोना पुष्टि भएको छ । यता ४ हजार ६ सय ५६ एन्टिजेन परीक्षणमा ७ सय ६० जनामा कोरोना संक्रमण देखिएको छ । पीसीआर र एन्टिजेन परीक्षणबाट कुल २ हजार २ सय ३९ जनामा संक्रमण पुष्टि भएको मन्त्रालयले जनाएको छ । योसँगै नेपालमा पीसीआर परीक्षणमा कोरोना देखिनेको संख्या ६ लाख ५२ हजार ८५९ पुगेको छ ।
यस्तै, मन्त्रालयले दिएको जानकारी अनुसार देशभर गरी थप २० जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ९ हजार ३ सय ४० पुगेको छ ।
