नेपालमा आज ह्वात्तै बढ्याे संक्रमण संख्याः एकै दिन ४९०१ संक्रमित
२६ श्रावण २०७८, काठमाडौं- नेपालमा आज कोरोना संक्रमण फेरि ह्वात्तै बढेकाे छ । ३ हजार हाराहारीमा रहेकाे संक्रमण संख्या आज ५ हजार नजिक पुगेकाे छ । स्वास्थ्य तथा जनसंख्या मन्त्रालयका अनुसार गत २४ घण्टामा १९ हजार १ सय २३ जनाको नमूना परीक्षण गर्दा ४ हजार ९ सय १ जनामा संक्रमण पुष्टि भएको छ । हिजाे ३ हजार ५ सय ५१ जनामा संक्रमण देखा परेकाे थियाे । यसरी एक्कासी संक्रमण संख्या बढ्नुले पुनः तेस्राे लहर शुरू हाेला कि भन्ने शंका गर्न थालिएकेा छ ।
२४ घण्टामा २ हजार १ सय १५ जना निको भएका छन् भने ३५ जनाको मृत्यु भएको छ । नेपालमा कोरोनाबाट अहिलेसम्म १० हजार १ सय ५० जनाको मृत्यु भएको छ । नेपालमा सक्रिय संक्रमितको संख्या ३७ हजार ३ सय ३२ जना रहेको छ ।
