नेपालमा आज १०६६ संक्रमित, ९३८ निकाेः १३ जनाकाे मृत्यु
१५ असाेज २०७८, काठमाडौं- नेपालमा पछिल्लो २४ घण्टामा १ हजार ६६ जना कोरोना भाइरस संक्रमित थपिएका छन् । देशभर १३ हजार ३ सय ६८ जनामा गरिएको नमूना परीक्षणमा १ हजार ६६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । याे सँगै नेपालमा कुल संक्रमित हुनेकाे संख्या ७ लाख ९५ हजार ९ सय ५९ जना पुगेका छन् । यस बाहेक एन्टिजेन परिक्षणबाट थप ९१ हजार ७ सय २१ जना संक्रमित भएका छन् ।
यसैगरी पछिल्लाे २४ घण्टामा मन्त्रालयका अनुसार ९ सय ३८ जना डिस्चार्ज भएका छन् । याे सँगै ७ लाख ६६ हजार ६ सय ९६ जनाले काेभिडलाइ जितेका छन् । यस्तै पछिल्लाे २४ घण्टामा १३ जनाको मृत्यु भएको छ भने याे सँगै ११ हजार १ सय ४८ जनाले ज्यान गुमाएका छन् ।
