नेपालमा आज २४२ संक्रमित, ४४४ निकाेः १ जनाकाे मृत्यु
४ मंसीर २०७८, काठमाडौँ — नेपालमा पछिल्लो २४ घण्टामा २ सय ४२ जना कोरोना संक्रिमत थपिएका छन् । मन्त्रालयका अनुसार पीसीआर र एन्टिजेन गरी ७ हजार १३६ परीक्षणमा २ सय ४२ मा कोरोना पुष्टि भएको छ ।
२४ घण्टाको अवधिमा ४ सय ४४ जना निको भएका छन् । हालसम्म निको हुनेको संख्या ७ लाख ९९ हजार ९ सय ८९ पुगेको मन्त्रालयले जानकारी दिएकाे छ ।
यस्तै २४ घण्टामा १ जनाको मृत्यु भएको छ भने हालसम्म कोरोनाबाट मृत्यु हुनेको संख्या ११ हजार ४ सय ९५ पुगेको मन्त्रालयले जनाएको छ । २४ घण्टामा १ लाख ३ हजार २०९ जनाले खोप लगाएसँगै नेपालमा पूर्ण खोप प्राप्त गर्नेको संख्या ७८ लाख ७६ हजार ७०३ रहेको छ ।
