प्रदेश एक पालिका स्तरीय दाेस्राे झापा गाउँपालिका अध्यक्ष कप शुरु (फाेटाे फिचर सहित)

५ पौष २०७८, सारासन्देश समाचार
झापाको झापा गाउँपालिकामा प्रदेश नम्बर एक पालिका स्तरीय दोस्रो अध्यक्ष भलिवल कप आज देखि शुरु भएको छ । आज भएको पहिलो उदघाटन खेलमा मेचीनगरलाई नेटवलमा हराउँदै दमक नगरपालिका विजयी बनेको छ । त्यस्तै दोस्रो खेल षडानन्द नगरपालिका भोजपुरले कनकाई नगरपालिकालाई एक तीनको सेटमा हराउँदै विजयी बनेको छ । यसैगरी आज भएको तेस्रो खेल झापा गाउँपालिका झापाले एक तीन सेटको अन्तरमा बाह्रदशी गाउँपालिकालाई हराउँदै विजयी बनेको छ । आज भएका खेलमा म्यान अफ दी म्याच षडानन्द नगपालिकाका भुवन गौतम र झापा गाउँपालिकाका रोहित शिवाकोटी घोषीत भएका छन् ।

गाउँपालिकाको प्रमुख अतिथी पालिका अध्यक्ष जयनारायण साहको प्रमुख आथित्यमा भएको प्रतियोगितामा विजेताले १ लाख ५१ हजार र उपविजेताले १ लाख नगद पुरस्कार पाउने छन् । खेलमा ५ जिल्लाका १६ वटा टीमको सहभागिता रहेको आयोजकले जानकारी दिएको छ । भोलि चुलाचली इलाम र गौरादह नगरपालिका, सभापोखरी संखुवासभा र कमल गाउँपालिका झापा तथा वेलबारी नगरपालिका मोरङ्ग र विर्तामोड नगरपालिका झापाबीच ३ वटा खेल हुने आयोजक समितिले जानकारी दिएको छ ।