खुशीकाे खबर नेपालमा निको हुने दैनिक बढ्दै ९२ प्रतिशत डिस्चार्ज
१८ मंसीर २०७७, काठमाडौं– नेपालमा गत २४ घण्टामा २ हजार १ सय ११ जना संक्रमणमुक्त भएको मन्त्रालयले जनाएको छ । यस्तै आज थप १ हजार ३ सय ४३ जना कोरोना भाइरस संक्रमित थपिएका छन् । पछिल्लाे समय नेपालमा संक्रमित भन्दा निकाे हुने संख्या बढ्दै गएकाे छ ।
अहिलेसम्म संक्रमणमुक्त हुने २ लाख २० हजार २ सय ७७ जना छन् । नेपालमा निको हुने दर ९२ दशमलव ७ प्रतिशत रहेको पुगेकाे छ । याे संख्या एक महिना अघिसम्म ८० प्रतिशत हाराहारीमा थियाे ।
कोरोना संक्रमणबाट थप आज १३ जनाको मृत्यु भएको छ । अहिलेसम्म मृत्यु हुनेको संख्या १ हजार ५ सय ५१ रहेको छ । संक्रमितमध्ये ०.६५ प्रतिशतको ज्यान गएको छ ।
