वडा अध्यक्ष कपकाे आज भएको खेलमा पथरी विजयी
६ पुस २०७८/पर्वत तामाङ
झापाको दमक नगरपालिकामा जारी प्रथम वडा अध्यक्ष कप २०७८ को आज भएको खेलमा पथरी शनिश्चरे स्पोर्टिङ्ग क्लव विजयी बनेको छ । कमल फुटवल क्लवलाई शून्य गोलको विरुद्ध २ गर्दै पथरी विजयी बनेको हो ।
खेलमा विजयी टीमको तर्फबाट खेलको १३ औं मिनेटमा जर्सी नं. १९ का खेलाडी निरज परियारले पहिलो गोल गरेका छन् । यस्तै खेलको ४४ औं मिनेटमा पुन परियारले १ गोल थपी शून्यको विरुद्ध २ गोलको अन्तरमा टिमलाई जित दिलाएका हुन् ।
खेलमा परियारलाई नै म्यान अफ दि म्याच घोषित गरिएको खेलमा रेफ्री सन्तोष चौधरीेले जानकारी दिनु भयो । भोलि आयोजक दमक र सामाजिक फुटवल क्लव काठमाण्डौंबीच प्रतिस्पर्धा हुने आयोजक टिमले जानकारी दिएको छ । आगामी ११ गतेसम्म हुने खेलमा विजेताले १ लाख ११ हजार र उपविजेताले ५५ हजार नगद सहित ट्रफी, मेडल प्राप्त गर्ने खेल समितिका संयोजक कार्याक्रमका सभापति दमक नगरपालिका वडा नं. ३ का अध्यक्ष नविन बराले बताउनु भयो ।
