नेपालमा आज एक दिन ६७३४ नयाँ संक्रमित थपिएः ३ जनाकाे मृत्यु

३ माघ २०७८, काठमाण्डाैं– नेपालमा गत २४ घण्टामा एकैदिन कोरोना भाइरसका ६ हजार ७ सय ३४ जना संक्रमित थपिएका छन् । संक्रमितकाे संख्या केहि दिन यता निरन्तर उकालाे लाग्न थालेकाे छ । याे संख्या हिजाे भन्दा झण्डै २ हजारले बढेकाे हाे । देशभर १७ हजार ४ सय ६५ जनाको नमूना परीक्षण हुँदा ६ हजार ७ सय ३४ जनामा संक्रमण पुष्टि भएको हो । विगत २ साता देखि संक्रमितकाे संख्या निरन्तर बढ्न थालेकाे हाे । सोही अवधिमा ५ सय ४७ जना संक्रमण मुक्त भएका छन् । केही दिन यता काेराेना भाइरस संक्रमितकाे संख्या बढ्न थाले पछि सक्रीय संक्रमितकाे संख्या समेत बढेकाे छ । हाल सक्रीय संक्रमितहरूकाे संख्या ३० हजार ८ सय ७७ पुगेकाे छ ।
यसैगरी आज ३ जनाकाे मृत्यु भएकाे छ । नेपालमा हालसम्म नेपालमा मृत्यु हुनेकाे संख्या ११ हजार ६ सय २३ जना पुगेकाे छ ।