धुलाबारी झापा सेमिफाइनलमा प्रवेश (फाेटाे फिचर सहित)

२८ फाल्गुण २०७८/झापा
झापाको कमल गाउँपालिकामा जारी प्रदेश स्तरीय प्रथम अध्यक्ष फुटवल कपको आजको खेलमा धुलावारी फुटवल क्लव विजयी बनेको छ । वेलबारी फुटवल क्लव मोरङ्गलाई ३–४ गोलको अन्तरमा धुलाबारी झापा विजयी बनेको हो । विजयी टीमको तर्फबाट सन्देश खवासले २ गोल, निरज कार्की र सन्तोष परियारले १/१ गोल गर्न सफल भएका छन् । यस्तै पराजित टीम वेलबारीका तर्फबाट विल्सन गिरी, रोहन कार्की र आदित्य तामाङले गोल गरेका छन् ।

अति प्रतिस्पर्धात्मकरुपमा भएको खेलमा मोरङ्ग वेलबारीलाई हराएको धुलाबारी झापाले सेमिफाइनलमा शसस्त्र प्रहरी पकली सुनसरीसँग भिड्ने पक्का भएको छ । भोलि रेडहर्स फुटवल क्लव इलाम र टेम्के फुटवल क्लव धरान सुनसरीबीच पहिलो सेमिफाइनलको पहिलो खेल हुने आयोजक कमल गाउँपालिका खेलकुद विकास समितिले जानकारी दिएको छ ।

खेलमा झापा, मोरङ्ग, सुनसरी, इलाम, धनकुटा र झापाका ८ वटा टीमको सहभागिता रहेको छ । खेलमा विजयी टिमले २ लाख र उपविजेता टिमले १ लाख नगद सहित ट्रफी र मेडल प्राप्त गर्ने खेल संयोजक तेजकुमार राईले बताउनु भयो ।