नेपालमा आज २५ संक्रमित, ८९ निको

१७ चैत्र २०७८,काठमाडौं– नेपालमा गत २४ घण्टामा २५ जनामा मात्र कोरोना भाइरस संक्रमण देखिएको छ । स्वास्थ्य तथा जनसंख्या मन्त्रालयका अनुसार ४ हजार ९ सय ८१ जनामा गरिएको नमूना परीक्षणमा २५ जनामा संक्रमण पुष्टी भएको हो । यसैगरी पछिल्लो २४ घण्टामा ८९ जना संक्रमणमुक्त भएका छन् । यस्तै पछिल्लो २४ घण्टामा कसैले पनि ज्यान गुमाउनु परेको छैन । हालसम्म कोरोनाका कारण नेपालमा मृत्यु हुनेको संख्या ११ हजार ९ सय ५१ जना पुगेको छ । नेपालमा सक्रिय संक्रमितको संख्या १ हजार ८१ जनामा झरेको छ । यो संख्या पछिल्लो केही समय यता दिनहूँ घट्नेक्रममा रहेको छ ।