नेपालमा थप २६ जनामा काेराेना संक्रमण
२० जेष्ठ २०७९,काठमाडौं- देशभर पछिल्लो २४ घण्टामा थप २६ जनामा कोरोना भाइरस सङ्क्रमण पुष्टि भएको छ । पछिल्लो २४ घण्टामा ५ हजार ६ सय ५ को नमूना परीक्षण गर्दा २६ जनामा काेराेना संक्रमण देखा परेकाे हाे । ४ हजार ५ सय २८ ले पिसीआर र १ हजार ७७ को एन्टिजेन विधिबाट परीक्षण गरिएको स्वास्थ्य तथा जनसङ्ख्या मन्त्रालयले जनाएको छ ।
सो अवधिमा ९ जना कोरोना भाइरसबाट सङ्क्रमणमुक्त भएका छन् । यससँगै सङ्क्रमण मुक्त हुनेको सङ्ख्या ९ लाख ६७ हजार ११९ पुगेको छ । सङ्क्रमणमुक्त हुने दर ९८ दशमलव आठ प्रतिशत रहेको मन्त्रालयले जनाएको छ । हाल देशभरमा २ सय भन्दा बढी सक्रिय सङ्क्रमित भएका जिल्ला कुनै पनि छैनन् ।
