नेपालमा आज ६१० संक्रमितः १ जनाकाे मृत्यु

१५ साउन २०७९,काठमाडौं- पछिल्लाे समय नेपालमा काेराेना संक्रमण संख्या बढ्न थालेकाे छ । पछिल्लो २४ घण्टामा थप ६ सय १० जनामा कोरोना भाइरस सङ्क्रमण पुष्टि भएको छ । ५ हजार ८ सय ४६ जनाको नमूना परीक्षण गर्दा साे संख्यामा भाइरस संक्रमण देखा परेकाे हाे । केही समय यता काेराेना भाइरस संक्रमण संख्या फेरि बढ्न थालेकाे छ । सो अवधिमा २ सय ९७ जना सङ्क्रमणमुक्त भएका छन् ।  हाल सक्रिय सङ्क्रमितको सङ्ख्या ४ हजार ५ सय ६७ पुगेकाे छ । नेपालमा आज  काेराेना भाइरसका कारण १ जनाकाे मृत्यु भएकाे छ । याेसँगै मृत्यु हुनेकाे संख्या ११ हजार ९ सय ६७ पुगेकाे छ ।