नेपालमा निकाे हुने ९८ प्रतिशत नजिक
७ माघ २०७७, काठमाडौं– नेपालमा पछिल्लाे २४ घण्टासम्म २ लाख ६२ हजार ६ सय ४२ जना निको भएका छन् । याे निको हुने दर ९७ दशमलव ९ प्रतिशत हो । यस्तै पछिल्लो २४ घण्टामा ३ सय ८३ जना भने निको भएका छन् ।
हालसम्म २ लाख ६८ हजार ३ सय १० जना संक्रमित भएका छन् भने पछिल्लो २४ घण्टामा ३ सय १८ जना कोरोना संक्रमित थपिएका छन् । ५ हजार १२ जनाको पीसीआर परीक्षण गर्दा ३ सय १८ जना संक्रमित थपिएका हुन । संक्रमित मध्ये १ सय १२ जना महिला र २ सय ६ जना पुरुष रहेका छन् ।
पछिल्लो २४ घण्टामा ६ जनाको कोरोनाबाट मृत्यु भएको छ । यो सँगै मृत्यु हुनेको संख्या १ हजार ९ सय ७५ जना रहेका छन् ।
