कबड्डी खेल्नेक्रममा दमकमा एक विद्यार्थीको मृत्यु
२० पाैष २०७९, झापा– विधालयमा कबड्डी खेल्नेक्रममा झापाको दमक नगरपालिकामा एक विद्यार्थीको मृत्यु भएको छ । संखुवासभा भोटेखोला गाउँपालिका-४ घर भई दमक नगरपालिका वडा नं.-४ स्थित मदन भण्डारी स्मृति प्रतिष्ठानमा डिप्लोमा इन सिभिल इन्जिनियरिङ अध्ययनरत १८ वर्षीय लाप्टुक भोटेको मृत्यु भएको हो ।
विद्यालयले अाज बुधबार दिउँसो आयोजना गरेको खेलकुद प्रतियोगिताअन्तर्गत कबड्डी खेल्नेक्रममा भोटे अचानक बेहोस भएर मैदानमा लडेका थिए । उनको उपचारका लागि बिर्तामोडतर्फ लाने क्रममा बाटोमै मृत्यु भएको इलाका प्रहरी कार्यालय दमकले जानकारी दिएकाे छ । प्रहरीका अनुसार भोटे संखुवासभा जिल्लास्तरीय कबड्डी खेलाडी हुन् । उनको मृत्युको कारण खुल्न नसकेको प्रहरीले जनाएको छ ।
