नक्कली सुन देखाएर ठगी गर्नेलाई पक्राउ
२२ पौष २०७९/झापा
नक्कली सुन देखाएर ठगी गर्ने एक जनालाई जिल्ला प्रहरी कार्यालय झापाले शुक्रबार पक्राऊ गरेको छ । इलामको फाकफोक थुम घर भई हाल विर्तामोड वडा नं. ५ मा बसोवास गर्दै आएका २६ बर्षीय दिनेश श्रेष्ठ भनिने शेरबहादुर बराइलीलाई पक्राउ गरेको हो ।
बराइलीले २ दिन अघि मेची नगर नगरपालिका वडा नं. ९ मा रोशन कुमार गजमेरले संचालन गर्दै आएको हनुमान ज्वेलर्समा वेरुवा औंठी राखी १ लाख ७० हजार लगेका थिए । आज पुन थप रकम लिन आउँदा प्रहरीले पक्राऊ गरी थप अनुसन्धान थालिएको जिल्ला प्रहरी कार्यालय झापाले जानकारी दिएको छ ।
