नेपालमा आज २४६ निकाे, २८३ थपिए संक्रमित
१४ माघ २०७७, काठमाडौं– नेपालमा गत २४ घण्टामा २ सय ४६ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६५ हजार ६९ जना छन् । नेपालमा निको हुने दर ९८ प्रतिशत रहेको छ । यस्तै आज थप २ सय ८३ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ४ हजार ३ सय ८२ जनाको गरिएको पीसीआर परीक्षणमा २८३ जनामा संक्रमण पुष्टि भएको हो ।
कोरोना संक्रमणबाट थप ३ जनाको मृत्यु भएको छ । अहिलेसम्म मृत्यु हुनेको संख्या २ हजार २० रहेको छ ।
