खैरो हिरोइन सहित ३ जना पक्राउ

९ माघ २०७९/झापा
अटोमा लुकाइ छिपाइ लाँदै गरेको अवस्थामा झापाका प्रहरीले ब्राउन सुगर जस्तो पदार्थ सहित ३ जना मासिन पक्राउ गरेको छ । जिल्ला प्रहरी कार्यालय झापाले दिएको जानकारी अनुसार प्रदेश १–०१–००२ ह ३६५ नम्बरको अटो चेक जाँच गर्दा अटो भित्र लुकाइ लाँदै गरेको ७ ग्राम हिरोइन जस्तो लिसाइलो पदार्थ पक्राउ गरिएको छ । पक्राउ पर्नेमा अटो चालक बुद्धशान्ति गाऊँपालिका वडा नं. ३ का २४ बर्षीय अजय तामाङ, १९ बर्षीय सन्देश राई, २० बर्षीय सन्तोष राजबंशी पक्राउ गरी अनुसन्धान थालिएको जिल्ला प्रहरी कार्यालय झापाका सूचना अधिकारी प्रहरी नायब उपरिक्षक बसन्त पाठकले जानकारी दिनु भयो ।

झापा जिल्लामा खुल्ला सिमानाका कारण पछिल्लो समय लागु औषध कारोवार गर्नेहरुको संख्या बढ्दै गएको सूचना अधिकारी पाठकले बताउनु भयो । यसैगरी सोमबार नै विभिन्न स्थानबाट अढाइ लाख मुल्य बराबरको अवैधरुपमा विना भन्सार ल्याउँदै र लाँदै गरेको कपडा, घरायसी सामाग्री र सुपारी समेत प्रहरीले बरामद गरेको छ ।