पूर्वी नेपालकाे ३ जिल्लामा बाढी र पहिरोका काराण तीन जनाको मृत्यु २९ बेपत्ता
३ असार २०८०, सारासन्देश समाचार– लगातारको वर्षापछि आएको बाढी र पहिरोलगायत विपद्जन्य घटनाले पूर्वी नेपालका विभिन्न जिल्लामा ३ जनाकाे मृत्यु भएकाे छ । यस्तै बाढी तथा पहिराेमा परेर २९ जना वेपता भएका छन् । खासगरी पाँचथर, सङ्खुवासभा, ताप्लेजुङ्लगायत जिल्लामा मात्रै विपद्जन्य घटनामा परेर तीन जनाको मृत्यु भएको हाे । ती घटनामा अन्य २९ जना बेपत्ता रहेका छन् । बेपत्ताहरुको खोजी जारी रहेको र तीन जनाको भने उद्धार गरिएको प्रहरी प्रधान कार्यालय काठमाण्डाैले जानकारी दिएकाे छ ।पाँचथर जिल्लामा १२ वटा पुलमध्ये केही बगाएको र केहीमा ठूलो क्षति पुगेकाे छ । यस्तै, छवटा घर बगाएको र दुई जलविद्युत् आयोजनामा क्षति पुगेको छ । यस्तै, सङ्खुवासभामा भने एक जनाको मृत्यु भएको र अन्य २१ जना सम्पर्कविहीन रहेका छन् । त्यहाँबाट तीन जनाको उद्धार गरिएको पनि नेपाल प्रहरीका केन्द्रीय प्रवक्ता प्रहरी नायब महानिरीक्षक कुबेर कडायतले जानकारी दिनु भयाे ।
सङ्खवासभामा प्रमुख जिल्ला अधिकारी शिवकुमार कार्कीले दिनुभएको जानकारीअनुसार बेपत्ता भएकामध्ये १७ जना त्यहाँको सुपर हेवाखोला जलविद्युत् आयोजनाका कर्मचारी छन् । अन्य चारजना भने सर्वसाधारण हराइरहेका हुन् । यस्तै, ताप्लेजुङमा एकको मृत्यु र तीनजना बेपत्ता रहेका छन् । त्यहाँ नौवटा पशु चौपाय मरेको छ । इलामलगायत जिल्लाहरुमा पनि पहिरो गएको र जनजीवन प्रभावित भएको प्रहरी नायब महानिरीक्षक कडायतले बताउनुभयो ।
