हवाई इन्धनको मुल्य घटेसँगै भाडा दर घट्याे
७ असार २०८०,काठमाडौं– हवाई इन्धनको मुल्य घटेसँगै नेपाल आयल निगमले हवाई यात्रामा लाग्ने भाडादर पनि घटाएकाे छ । नेपाल नागरिक उड्डयन प्राधिकरण (क्यान) ले हवाई यात्राको भाडा दर घटाएको हो ।
आन्तरिक उडानमा सबैभन्दा धेरै विराटनगर–नेपालगञ्ज रुटको भाडा रु ५ सय ४० ले घटेको छ भने सबैभन्दा कम काठमाडौँ–सिमराको भाडा रु ९० ले घटेको छ ।
यसैगरी काठमाडौँ–भद्रपुरको रु ३ सय, काठमाडौँ–विराटनगरको रु २ सय ४०, काठमाडौँ–धनगढीको रु ४ सय ४५, काठमाडौँ–नेपालगञ्जको रु ३ सय २५, काठमाडौँ–भैरहवाको रु २ सय १० र काठमाडौँ–सुर्खेतको भाडा रु ३ सय ४५ ले घटेको छ । मङ्गलबार नेपाल आयल निगमले हवाई इन्धनको भाउ प्रतिलिटर रु १० रूपयाँले कम गरेको छ ।
