0
0
२२ असार २०८०, गाैरादह– २४ करोडभन्दा बढी रकम ठगेर फरार हरेका झापाको गौरादह–१ का सुनचाँदी व्यवसायी सोमराज विश्वकर्मा पीडितहरूले जतिसक्दाे चाँडाे पक्राउ गरी फसेकाे रकम असुल गर्न माग गरेका छन् । गाैरादह नगरपालिका वडा नं. १ मा परेकाे उजुरीकाे आधारमा ४ सय ३७ जनाबाट २४ कराेड भन्दा धेरै रकम ठगी गरी गौरादह–२ मा व्यवसाय गर्ने विश्वकर्मा फरार भएका हुन् । दुई दशकदेखि गौरादह बजारमा सुनचाँदी व्यवसाय गर्दै आएका विश्वकर्माले गौरादह–१ का वडाध्यक्ष नगेन्द्र भण्डारीको नाममा गएकाे असार १५ गते पत्र लेखेर फरार भएका हुन् । गाैरादह नगरपालिका वडा नं. १ का अध्यक्ष नगेन्द्र भण्डारीका अनुसार अहिलेसम्म २४ करोड हाराहारीको दाबीसहित निवेदन परेको छ । एउटै व्यक्तिबाट ५० हजारदेखि ४० लाखसम्म ठगिएको दावी गरिएकाे बताउनु भयाे ।
पीडितले दिएको निवेदनका आधारमा गौरादह नगरपालिकाको न्यायिक समितिले पनि प्रक्रिया अघि बढाउने भएको छ । न्यायिक समितिका संयोजक तथा उपप्रमुख जलवर्षा राजवंशीले यसबारेमा सर्वदलीय बैठक पनि बसेको र शुक्रबार न्यायिक समितिको बैठक बसेर प्रक्रिया अघि बढाउने जानकारी दिनु भयाे । जिल्ला प्रशासन कार्यालय झापाले फरार रहेका सोमराजको खोजी भइरहेको जनाएको छ । प्रमुख जिल्ला अधिकारी शिवराम पोखरेलले यो घटनाका बारेमा प्रशासन जानकार रहेको र हराइरहेका विश्वकर्माको खोजी भइरहेको जानकारी दिनु भयाे । पीडितहरूले जतिसक्दाे चाँडाे पक्राउ गरी फसेकाे रकम असुल गर्न माग गरेका छन् ।
