सवारी साधानकाे ठक्करबाट पथरीमा दुई वटा हरिणको मृत्यु

२५ असार २०८०,मोरङ– मोरङको पथरी शनिश्चरेमा सवारी साधानकाे ठक्करबाट दुईवटा हरीण मृत फेला परेका छन् । आज विहान करिब ११:२५ को समयमा पुर्व पश्चीम महेन्द्र राजमार्ग अन्तर्गत पथरी शनिश्चरे नगरपालिका वडा नम्बर १० स्थित शिवर डाँडामा सवारीको ठक्करबाट २ हरीणको मृत्यु भएको हो । पशुपती सामुदायीक वनको संरक्षणमा रहेको हरीणले बाटो क्रस गर्ने क्रममा सवारीले ठक्कर दिएकाे कारण हरीणको मृत्यू भएको सव डिभिजन वन कार्यलय पथरी शनिश्चरेका प्रमुख दिवश कुमार चौधरीले जानकारी दिनु भयाे । ठक्कर दिने सवारीकाे पहिचान हुन सकेकाे छैन ।

पशुपती सामुदायीक वनले ११ महिनाबाट उक्त हरीणलाई संरक्षण गरेरको थिए । मृत्यु हुने हरीण एउटा बच्चा र अर्को गर्भिणी पोथी रहेका छन् । सव डिभिजन वन कार्यलय पथरी शनिश्चरे मातहतमा एक महिनाभित्र ५ वटा दुर्घटना भएका छन् । ४ वटा दुर्घटनामा ५ वटा हरीणको मृत्यु भएको छ भने एउटा शिकारीको कारणले मरेको बन कार्यालयले जानकारी दिएकाे छ ।