तीन जिल्लाकाे सिमानामा भएकाे त्रिवेणी कप २०८० को उपाधी इष्ट स्टारको पोल्टामा (फाेटाे फिचर)

७ भदौ २०८०/बालदिवश तामाङ
ग्रामिण खेलको विकास गर्ने उदेश्यले आयोजना गरिएको प्रथम त्रिवेणी कप २०८० को उपाधी इष्ट स्टार स्पोर्टिङ क्लव मधुमल्लाले हात पारेको छ । कोशी प्रदेशका ८ वटा फुटवल क्लवबीच प्रतिष्पर्धा गरिएको फुटवल खेल प्रतियोगिताको फाइनल खेलमा व्रदरर्श यूनाटेड क्लव उर्लाबारीलाई ट्राइवे्रकरमा हराउँदै इष्ट स्टारले विजय हात पारेको हो ।

मोरङ्ग, इलाम र झापाको सिमानामा रहेको दमक–३ ओमशान्ति चौकको खेल मैदानमा भएको खेलमा निर्धारित समयमा १/१ गोलको बराबरीमा रहे पछि खेलको नतिजा ट्राइव्रेकरबाट गरिएको थियो । ट्राइव्रेकरमा ४ गोलको विरुद्ध ५ गोल गर्दै इष्ट स्टारले विजय प्राप्त गरेको हो । राष्ट्रिय स्तरका ए डिभिजनका खेलाडी समेतको सहभागिता रहेको खेलमा निर्धारित समयमा व्रदर्श यूनाइटेडका जर्सी नं. ९ बाट खेल्नु भएका खेलाडी रोहन कार्कीले पहिलो गोल गरेका थिए । यस्तै हाफ पछिको खेलमा इष्ट स्टारका खेलाडी जंग खड्काले गोल गरी बराबरी नतिजामा खेल सकिएको थियो ।

फाइनल खेलको समापन कार्याक्रममा दमक नगर प्रमुख राम थापाले प्रथम र द्वितीय हुने टिमलाई पुरस्कार तथा ट्रफी प्रदान गर्नु भएको छ । आयोजक त्रिवेणी क्लवका अध्यक्ष पारस कार्कीले प्रथम र द्वितीय हुनेलाई नगद ५० हजार र ३० हजार प्रदान गर्नु भएको छ । खेलमा उत्कृष्ट ८ जना खेलाडी टप स्कोरर आदित्य तामाङ, वेष्ट डिफेन्डर जंग खड्का, वेष्ट किपर युवराज तामाङ, वेष्ट मिड फिल्डर सुरेश साम्पाङ राई, वेष्ट फरवार्ड मिलन राई, वेष्ट कोच अनिल खड्गी, प्लेयर अफ द टुर्नामेन्ट रोह कार्की र उदयीमान खेलाडीमा रिजन राईले नगद सहित ट्रफी प्राप्त गरेको आयोजक त्रिवेणी क्लवका सचिव विरेन्द्र सुब्बाले जानकारी दिनु भयो ।

इलाम, मोरङ र झापाको सिमानामा पर्ने ओमशान्ति खेलमैदानमा पहिलो पटक विभिन् राष्ट्रिय टिमका ए डिभिजन खेलाडीको सहभागितमा खेल भएको दमक वडा नं. ३ का अध्यक्ष नविन बरालले बताउनु भयो ।
समापन कार्याक्रमका प्रमुख अतिथि नगर प्रमुख थापाले यस्ता गाऊँघरमा समेत यो स्तरको खेलको आयोजना गर्ने कार्य निक्कै चुनौति रहेको र राम्रो खेल खेलाउन एकजुट भएका युवाहरुलाई नगरको तर्फबाट समेत सहयोग गर्ने बताउनु भयो । कार्यक्रममा सहयाेग गर्ने देश विदेशका सामाजिक अगुवा तथा सहयाेगी २ दर्जन बढी दाताहरूलाइ सम्मान तथा कदर पत्रले सम्मान समेत गरिएकाे छ ।