नेपालमा आज ९० जना निकाे, १२५ संक्रमित
१० फाल्गुन २०७७, काठमाडौं– नेपालमा गत २४ घण्टामा ९० जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ६९ हजार ९ सय ६६ जना छन् । नेपालमा निको हुने दर ९८ दशमलव ७ प्रतिशत रहेको छ ।
यस्तै आज थप १ सय २५ जना कोरोना भाइरस संक्रमित थपिएका छन् । स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३ हजार ६ सय ८१ जनाको गरिएको पीसीआर परीक्षणमा १ सय २५ जनामा संक्रमण पुष्टि भएको हो ।
कोरोना संक्रमणबाट गत २४ घण्टामा कसैले पनि ज्यान गुमाउनु परेन । अहिलेसम्म मृत्यु हुनेको संख्या भने २ हजार ६१ जना पुगेकाे छ ।
