अवकाे एक महिनासम्म खाेप तयार हुन सक्ने संकेत
१० कातिर्क २०७७,एजेन्सी–सरुवा रोग विशेषज्ञ एन्थोनी फाउचीले नोभेम्बर महिनाको अन्त्यसम्ममा कोरोनाको खोप तयार भइसक्ने संकेत दिएका छन् ।
यस्तै यता बेलायतको नेसनल हेल्थ सर्भिस ट्रस्टका प्रमुखले पनि डिसेम्बरको आरम्भसम्ममा खोप तयार हुन सक्ने बताएका छन् ।
बेलायतमा स्वास्थ्यकर्मीहरूलाई कोरोना खोप दिने योजना बनेको छ । क्रिसमसअघि हेल्थकेयर वर्करहरूलाई खोप दिन सकिने समाचार एजेन्सीहरूले जनाएका छन् ।
अमेरिकाले अक्सफोर्ड विश्वविद्यालय र एस्ट्राजेनेकाको खोप तयार पार्न एक अर्ब डलर दिएको छ र आफ्ना लागि ४० करोड डोज सुरक्षित पारेको छ । बेलायत सरकारले पनि १० करोड डोजको अर्डर गरिसकेको छ ।
फाउचीले नोभेम्बरको अन्त्यसम्ममा कोरोना खोप प्रभावकारी छ कि छैन भन्ने थाहा भइसक्ने बताउनु भयाे । यो सुरक्षित र प्रभावकारी रहेको पुष्टि भएपछि आवश्यकता परेका मानिसलाई खोप दिने अर्को चुनौती भएको उहाँले बताउनु भयाे ।
तर डिसेम्बरमा खोप सफल भएको घोषणा भएछ भने पनि प्रत्येक व्यक्तिलाई खोप दिनका लागि अावश्यक डाेज बनाउन अमेरिकामा मानिसहरूले सन् २०२१ को मध्यसम्म कोरोना खोपका लागि प्रतीक्षा गर्नुपर्ने उहाँकाे भनाइ छ । पछिल्लाे समय झण्डै १ दर्जन कम्पनीले काेराेना भाइरस विरूध्द खाेपकाे विभिन्न चरणमा परिक्षण भइरहेका छन् ।
याे समाचार विभिन्न अनलाइन स्राेतबाट साभार गरी तयार पारिएकाे हाे । तपाइकाे केही सुझाव भए sarasandesh77@gmail.com इमेलमा पठाउन सक्नु हुनेछ ।
