१४ श्रावण २०७८,काठमाडौं– नेपालमा पछिल्लाे समय दैनिक काेराेना संक्रमितकाे संख्या बढ्न थालेकाे छ । गत २४ घण्टामा ३ हजार ३ सय ६५ जना कोरोना भाइरस संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार देशभर १४ हजार २ सय ४२ जनाको पीसीआर र एन्टीजेन परीक्षणमा ३ हजार ३ सय ६५ जनामा कोरोना भाइरस संक्रमण पुष्टि भएको हो ।

२४ घण्टामा १ हजार ३ सय ७३ जना संक्रमणमुक्त भएका छन् । नेपालमा कोरोनामुक्त हुनेको संख्या ६ लाख ५० हजार ४४५ छ । नेपालमा कोरोना निको हुने दर ९४.१ प्रतिशत रहेको छ । यस्तै १६ जनाको मृत्यु भएको छ ।

नेपालमा कोरोना संक्रमणबाट थप १६ जनाको मृत्यु भएको छ । योसँगै नेपालमा कोरोनाबाट मृत्यु हुने‍को संख्या ९ हजार ८ सय ७ पुगेको छ ।