जाजरकोट रामीडाँडा केन्द्रविन्दु भएर पुन: ५.८ म्याग्निच्युडको पराकम्प जाँदा थप त्रास
२० कार्तिक २०८०, जाजरकाेट– जाजरकोट लगायत आसपासका क्षेत्रमा आज अपरान्ह पुनः ठूलो भूकम्पको झट्का महसुस भएको छ । राष्ट्रिय भूकम्प मापन केन्द्रका अनुसार ४ बजेर ३१ मिनेटमा भूकम्पको तिव्रता ५.८ म्याग्निच्युड मापन गरिएको छ । पहिलो पराकम्प महसुस भएको ९ मिनेटपछि ४ बजेर ४० मिनेटमा जाजरकोटकै पैंक केन्द्रविन्दु भएर ४.५ म्याग्निच्युडको अर्को झट्का महसुस गरिएको छ । भूकम्पकाे झड्काबाट त्यस क्षेत्रका मानिसमा थप त्रास थपिएकाे छ ।
पछिल्लाे पटक गएकाे भूकम्पमा केही स्थानमा पहिराे गएकाे छ भने के कति क्षति भयाे भन्ने विवरण अाइनसकेकाे जिल्ला प्रहरी कार्यालय जाजरकाेटले जनाएकाे छ ।
