स्वर्ण पदक खेलाडीलाई सम्मान

३ असोज २०७७
लामो समय लकडाउनले खेलकुद क्षेत्र प्रभावित भइरहेको वेला झापाको दमकमा आज राष्ट्रिय खेलमा स्वर्ण पदक विजेता खेलाडीलाई सम्मान गरिएको छ । स्वास्थ्य मापदण्डलाई ख्याल गरेर संस्थाको बार्षिक उत्सव तथा संविधान दिवसको अवसर पारेर झापामा लामो समय पछि खेलसम्बन्धी कार्याक्रम गरिएको हो । सम्मान यस अघि मंसीर २८ देखि ३० गते सम्म रामेछापको गाल्पामा भएको राष्ट्रिय स्तरको खेलमा स्वर्ण विजेता खेलाडी रहेका छन् ।
प्रदेश नम्बर एक तेक्वाण्डो एशोसियनको आयोजना र झापा संघको सहयोगमा भएको कार्याक्रममा प्रमुख अतिथि सामाजिक विकास राज्यमन्त्री जसमाया गजमेरले बर्षको उत्कृष्ट खेलाडी, प्रशिक्षक र संस्थालाई सम्मान गर्नु भएको छ । सम्मान हुनेमा बर्ष उत्कृष्ट महिला खेलाडी मोरङ्गकी केरिषा आचार्य, पुरुषमा झापाको रोशन मगर, प्रशिक्षकमा मोरङ्गको चर्तुरलाल चौधरी, झापाको चन्द्रबहादुर तामाङ र बर्षको उत्कृष्ट संस्थाको झापा तेक्वाण्डो संघलाई सम्मान गरिएको छ ।

कोरोनाबीच पनि स्वास्थ्य मापदण्ड पुरा गरेर खेल क्षेत्रको विकास गर्नु पर्नेमा जोड

सम्मान कार्याक्रमम राज्यको गहनाको रुपमा खेलाडीलाई प्रेरित गर्ने काम थोरै भएकोले कोराना कहरबीच पनि विश्व स्वास्थ्य संगठनको मापदण्ड पुरा गरेर भावी दिनमा खेललाई अघि बढाउनु पर्ने परिस्थिती आएको प्रमुख अतिथि राज्यमन्त्री जगमेरले बताउनु भयो ।
कार्यक्रममा खेल विकासमा

राज्यको उचित ध्यान पुग्न नसकेको स्थानीय नेतृत्वले गुनासो समेत पोखेका छन् । कार्याक्रममा नेकपा दमक नगरपालिकाको सचीव तिर्थराज बस्नेतले स्थानीय तहले खेल प्रति चासो नदिएको समेत बताउनु भयो ।
यस अघि राष्ट्रिय प्रतियोगितामा २१ जना तेक्वान्डो खेलाडी प्रदेश नम्बर एकबाट छनौट भई प्रतियोगितामा सहभागी भएका थिए । सम्मानित हुने खेलाडीहरु गत बर्षको गाल्पामा भएको राष्ट्रिय स्तरको खेल प्रतियोगितामा प्रदेश नम्बर एकबाट स्वर्ण पदक विजेताहरु हुन् ।