लगातार ओरालो लागेको सुनको मूल्यमा केही बृद्धि
२८ पाैष २०७७, काठमाडौं- लगातार दुइ दिन देखि ओरालो लागेको सुनको मूल्यमा आज भने केही वृद्धि भएको छ ।
प्रतितोला रु ९२ हजार २०० मा सोमबार कारोवार भएको छापावाला सुन आज भने तोलामा ६ सय रूपयाँले वृद्धि भई रु ९२ हजार ८ सय पुगेको छ । यस्तै तेजाबी सुन प्रतितोला रु ९२ हजार ३ सयमा कारोवार हुने गरी मूल्य निर्धारण भएको छ ।
तोलामा रु ९१ हजार ७ सयमा तेजाबी सुन सोमबार कारोवार भएको थियो । यस्तै चाँदीमा आज तोलामा २० रूपयाँले वृद्धि भएको छ ।
१ हजार २ सय ३० रूपयाँमा सोमबार कारोवार भएको चाँदी आज १ हजार २ सय ५० मूल्य निर्धारण भएको नेपाल सुनचाँदी व्यवसायी महासङ्घले जानकारी दिएकाे छ ।
